ཉེ་བའི་ཆར། འཛམ་གླིང་གི་ཏྲེ་ནི་སི་རྩེད་མོའི་མཁན་གྲགས་ཅན་Novak Djokovic ཨོ་གླིང་ནང་ཏྲེ་ནི་སི་རྩེད་མོའི་འགྲིན་ཚོགས་ནང་བཞུགས་ཆེད་ཨོ་གླིང་དུ་བསྐྱོད་ནའང་། ཁོང་གིས་ཏོག་དབྱིབས་འགོག་ཁབ་བརྒྱབ་མེད་པའི་རྐྱེན་གྱིས་ཁོང་གནམ་ཐང་ནང་བཀག་འཇུག་བྱས། Novak Djokovic གིས་རང་ཉིད་ཨོ་གླིང་གཞུང་གི་སྒྲིག་གཞིའི་ཆ་རྐྱེན་ལྟར་འགོག་ཁབ་རྒྱག་དགོས་ཀྱི་མེད་སྐོར་དང་། ཨོ་གླིང་གཞུང་གིས་ཁོང་གནམ་ཐང་ལ་བཀག་འཇུག་བྱས་པ་ནི་ཁྲིམས་འགལ་ཡིན་པས་ཁྲིམས་ཁང་ལ་ཞུ་གཏུག་བྱས་ཡོད་པ་རེད། ཨོ་གླིང་གཞུང་གིས་Novak Djokovic ཏོག་དབྱིབས་ནད་འགོག་སྒྲིག་གཞི་དང་འགལ་བས་ཁོང་ཨོ་གླིང་རྒྱལ་ཁབ་ནང་ཡོང་མི་ཆོག་ཅེས་གསུངས་ཡོད་པ་རེད།
ཕྱི་ལོ་ ༢༠༢༢ ཟླ་ ༡ ཚེས་ ༡༡ ཉིན་ཨོ་གླིང་ཁྲིམས་ཁང་ནས་ཨོ་གླིང་གཞུང་གིས་Novak Djokovic བཀག་འཇུག་བྱེད་མི་ཆོག་པ་དང་། ཁོང་ལང་སང་གློད་གྲོལ་གཏོང་དགོས་པ་མ་ཟད། ཁོང་གི་ལས་རིམ་དང་འགྲོ་སྡོད་ཚུད་པའི་རང་དབང་ལ་ཚད་བཀག་མི་ཆོག་པའི་སྐོར་གྱི་བཅད་ཁྲ་བཏང་ཡོད་པ་རེད།
ཁྲིམས་ཁང་གི་ཐག་གཅོད་ལ་དང་ལེན་བྱས་ནའང་། ཨོ་གླིང་གཞུང་གིས་Novak Djokovic གི་ཕྱི་བསྐྱོད་VISA ཕྱི་བསྡུར་དང་རྩིས་མེད་གཏོང་ཆོག་སྐོར་གསུངས་འདུག